ඉස්සර ලංකාවේ අන්තර්ජාලය නොතිබුණු කාලයේ ලංකාවේ තිබුණේ බලන්නට රූපවාහිනිය පමණි. නිවසේ සිට වින්දනය ගැන පමණක් කතාකලහොත් එය අදාලය. එකල අසභ්‍ය චිත්‍රපට බැලීම ඉතා අපහසුය. චිත්‍රපට ශාලාවලට ආවත් එන්නේ නිකම්ම නිකං විකාරය, ඒවා බලන්නට හෝල් එකට යනවා අහල පහල මොකෙක් හෝ දැක්කොත් ගමේ ජීවත්වී හමාරය, එසේම ඇටෙන් පොත්තෙන් එලියට ආ කොළු ගැටයන්ටද යම් වින්දනයකට ඉඩක් නොලැබුණු ගානය. නමුත් ඉඳහිට රූපවාහිනියේ යන චිත්‍රපටවල අසභ්‍ය දර්ශන පෙන්වයි. නමුත් සභ්‍යත්වය සලකා බලා එම දර්ශන ප්‍රචාරය වන විට කොටු දමමින් එය නොපෙන්වයි. ටික කලක් ගත වෙද්දී කොළුගැටයන් අපූරු ක්‍රමයක් සොයාගත්හ, එනම් කපු හෝ සිල්ක් වැනි රෙද්දක් ඇසේ ඉදිරියෙන් තබාගෙන බැලූවිට යම්තාක් දුරකට එම දර්ශන දැක ගත හැකිවිය.කොල්ලන්ගේ පැත්තෙන් එය මහා දෙයකි.
ලංකා ඊ නිව්ස් යනු සිංහල භාෂාවෙන්ම කිවහොත් කැලෑ පත්තරයකි. ලංකාවේ විචාර සම්පන්න මාධ්‍ය කලාවකට තවමත් ඉඩ ඇත. එලෙස විචාර සම්පන්න හා ශිෂ්ට සම්පන්න මාධ්‍ය කලාවකට ඉඩතිබියදී නිර්ධය ලෙස පහර ගසන හා ගැසිය යුතු තැනට නොගසා වටේ අතගාන කැලෑ පත්තර බිහිවීම අභාග්‍යයකි. එයට ඇබ්බැහි වූ පිරිසක් ලංකාවේ ඇත, වැඩිපුරම එහි රසිකයන් වන්නේ විදෙස්ගත ලංකා පුත්‍රයන්ය. මේ කැලෑ පත්තරය තුලින් ඔවුන් සැබෑවට දැකිය නොහැකි දෙයක් දකින්නට උත්සහ කරයි, එනම් තමන්ට දකින්න අවශ්‍ය දේ ඊ නිව්ස් තුලින් යම්තාක් දුරට පෙන්වන නිසා එය දකිති. ලංකා ඊ නිව්ස් අඩවියේ කොලිටිය හෝ එහි තත්වය ඔවුන්ට වැඩක් නැත, එය එක් පැත්තකින් අර පෙර කී රෙදි කෑල්ලක් තියා කොටු දාන දර්ශන බලන කොල්ලන්ගේ ආතල් එකකි..එසේත් නැත්නම් කංසා ගන්න සල්ලි මදිවූ පසු ජෙල් පැකට් එක වතුරේ දමා බොන ගංජාකාරයන්ගේ ප්‍රතිපදාවකි.
ඊ නිව්ස් ලංකාව තුල තහනම් කරන්නට හේතු ඇත. ඒවා සාධාරණ මෙන්ම අසාධාරණ වෙන්නට පුළුවනි. අසාධාරණ නම් පාරට බැස ඊ නිව්ස් තහනම ඉවත්කරන්නට කෑ ගැසිය හැක. නමුත් විවිධ හොර පාරවල් වලින් ගොස් ඊ නිව්ස් බලන්නේ පෙර කී උණකාරයන්ය. අන්තර්ජාලය මෙන්ම අනෙකුත් මාධ්‍යවලද මධ්‍යස්ථ නාලිකා හා ආයතන අතලොස්සක් අදටත් පවතී නමුත් ඒවා තිබියදී ලංකා ඊ නිව්ස් පස්සේම ප්‍රොක්සි මාධ්‍යයෙන් හෝ එලවන්නේ ඇයි? ඒ අන්කිසිවක් නිසා නොව මධ්‍යස්ථ මාධ්‍යවල නැති රසය සහ හිත ඉල්ලන ආතල් නිව්ස් එහි ඇති බැවිනි. යම් දෙයක් තහනම් කලොත් එයම හොයන ලංකා පුත්‍රයන් ඊ නිව්ස් දෙසද එලෙස බලා ඇබ්බැහි වී ඇත. ඒ මත බහින් දවස අපි දන්නේ නැත..නමුත් ඕනම මගුලක් කෙටි කාලයකටය.
මහාරාජාට ඕන දේ සිරසෙත්...
ReplyDeleteසෝමාට ඕනි දේ ස්වර්ණවාහිනියෙත්...
රාජපක්ෂලාට ඕනි දේවල් ඉතිරි ඒවායිත් පෙන්වයි...
ඉතිං ඊ් නිවුස් කතුවරයා ඔහුට ඕනි දේ පෙන්වයි...
ලංකාවේ බහුතර මාධ්‍ය තමුන්ට ඕනි දේ ජනතාවට ඕනි විය යුතුයැයි සිතා විකාශය කරති..එසේ නැතුව මධ්‍යස්ථ කියා අලගෙඩියක් මෙහේ නැත....
මද්‍යස්ථ මාධ්‍ය කීපයක් නම් කරන්නකෝ.. දැන් ඉතින් ස්වර්ණවාහිනී දෙරණ වගේ ඒවා මධයස්තයි කියන්න එපා.
ReplyDelete